کۆمەڵگەی شەهید فاخر مێرگەسۆری پەروەردەیی

ئەمڕۆ سێ شەممە ١٥-٨-٢٠١٧ بەئامادەبوونی (ھونەر سابیر) نوێنەری بەڕێوەبەرایەتی گشتی پەروەردەی ھەولێر و ئەندامانی تری لێژنە و دەستەی کارگێڕی قوتابخانەی شەھید فاخیر مێرگەسۆری /سابیس ڕاکێشانی تیرو پشک بۆ خوازیارانی باخچەی منداڵانی شەھید فاخیر مێرگەسۆری (KG١) لەھۆڵی بەڕێوەبەرایەتی چالاکی قوتابخان ئەنجامدرا . شایەنی باسە ڕاکێشانی تیروپشکە کە بەپێی سەرپەشتیکردنی لێژنەی بەڕێوەبەرایەتی گشتی پەروەردەی ھەولێر و قوتابخانەی شەھید فاخیر مێرگەسۆری /سابیس بەڕێوەچوو و بۆ منداڵانی شەھیدی داعش بەبێ تیرو پشک وەرگیران و ئەوژمارەی کە بڕیارە لەو باخچەیە وەربگیرێن تەنھا (۹٠) کورسی خوێندن بوو وە لەژمارەی گشتی داواکراویش (٨) کورسی بۆ منداڵانی شەھیدی دەستی تیرۆرستانی داش پێش کەش کرا.

1,496 کۆی بینینەکان, ئەمڕۆ نەبینراوە

لە درێژەی كاروچاڵاكییەكانی بەشی بنەڕەتی مامۆستای وانەی كوردی (سەمیرە یاسین) لە سێ‌ سمیناری جیا دا بۆ تەواوی قوتابیانی قۆناغی (9) نۆییەمی بنەڕەتی سمینارێكی لەسەر داستانی دڵداری و قارەمانیەتی لە ئەدەبی كوردییدا، كە لە رێگای ئامێری داتاشۆ جیاوازی نێوان (حەیران و لاوك و مقام و بەستە و هۆرە و گۆرانی) بۆ قوتابیان روون كردەوە. لە درێژەی سمینارەكە دا مامۆستای ناوبراو بە وێنە مەزارگەی شاعیران بۆ قوتابیان نمایش كرد.

2,651 کۆی بینینەکان, ئەمڕۆ نەبینراوە

7/2/2017 لە هۆڵی چاڵاكی قوتابخانەكانی شاری هەولێر بە ئامادەبوونی بەرێز وەزیری پەروەردە (د. پشتیوان صادق) و بەڕێوەبەری گشتی پەروەردەی هەولێر مامۆستا (بەشدار عبدالخالق) و بەڕێوبەری كۆمەڵگە مامۆستا (شەپۆل فاخیر محەممەد) و بەڕێوەبەری ئامادەیی مامۆستا (چیمەن حسێن نەبی) و چەند بەڕێوەبەرێك و سەرپەرشتیارێك، خەڵاتی رێزلێنان بەسەر (25) توێژەری كۆمەڵایەتی لەسەر ئاستی كوردستان لە لایەن وەزیری پەروەردە دابەش كرا. لەسەر ئاستی هەولێر (3) توێژەری كۆمەڵایەتی خەڵاتیان وەرگرت كە یەكێكیان توێژەری كۆمەڵاتی (هیوا ئەحمەد) بوو كە لە بەشی ئامادەیی كۆمەڵگە وەك كەسێكی لە خۆبردوو ماندونەناسانە ئەركەكانی خۆی رادەپەرێنێت. بە كاروچاڵاكییەكەكانی توانی ئەم خەڵات دەستەبەر بكات بە كەفائەتی خۆی كە هەڵبژاردنی توێژەرەكان بە (سی ڤی) بووە. ئێمەش وەك دەستەی كارگێری و تەواوی كارمەمدانی كۆمەڵگە پیرۆزبای لە توێژەری كۆمەڵاتی (هیوا ئەحمەد) دەكەین هیوادارین بەردەوام بێت و لەش ساغ بێت.

1,668 کۆی بینینەکان, ئەمڕۆ نەبینراوە

لە هۆڵی بۆنەكانی كۆمەڵگە بە ئامادەبوونی بەڕێوەبەری كۆمەڵگە مامۆستا (شەپۆل فاخیر محەممەد) و بەڕێوبەری بنەڕەتی مامۆستا (لانە یوسف عبداللە) و ئەنجومەنی دایك و باوكان، بەسەرپەرشتی مامۆستای وانەی كوردی (سەمیرە یاسین) پێشبڕكێیەكی زانستی بۆ هەر چوار پۆلی قۆناغی نۆییەم ئەنجامدا.
ئامانج لەم پێشبڕكێیە دروست كردنی كەشێكی خۆش و دووبارە كردنەوەی زانیارەكان و بەشداری كردنی گشت قوتابیان لەو جۆرە چاڵاكیەیانە.

1,349 کۆی بینینەکان, ئەمڕۆ نەبینراوە

لە چوارچێوەی كۆبوونەوەی مانگانەی دەستەی كارگێڕی و ئەنجومەنی دایك و باوكانی بەشی بنەڕەتی بە ئامادەبوونی بەڕێوەبەری كۆمەڵگە مامۆستا (شەپۆل فاخیر محەممەد) و بەڕێوەبەری بنەڕەتی مامۆستا (لانە یوسف عبداللە) باس لە كێشە و گرفتەكان و پێداویست و كەم و كوڕیەكانی كرا.

1,380 کۆی بینینەکان, ئەمڕۆ نەبینراوە

ئەمڕۆ 6/2/2017 لە رێرەوی بەشی بنەڕەتی بە ئامادەبوونی بەڕێوەبەری كۆمەڵگە مامۆستا (شەپۆل فاخیر محەممەد) و بەڕێوەبەری ئامادەیی مامۆستا (چیمەن حسێن نەبی) و بەڕێوەبەری بنەڕەتی مامۆستا (لانە یوسف عبداللە) بەشێك لە مامۆستایان و قوتابیان، لە ژێر ناونیشانی پێشەنگاییەك بۆ قوتابیانی بەهرەمەند كراییەوە. بەسەرپەرشتی مامۆستای وانەی هونەر (ئارام خالید) كە لە لێدانێكی بۆ بەشی راگەیاندنی كۆمەڵگە ووتی بە پێویستیم زانی ئەم (12) قوتابیە بەهرەمەند و دەست رەنگینانە بە گشت قوتابیان و دەستەی كارگێڕی بەشەكە بناسێنم لەم پێشەنگاییەدا چونكە كارەكانیان زۆر ئەكادیمین.

1,418 کۆی بینینەکان, 1 بینینەکانی ئەمڕۆ

ئەمڕۆ 6/2/2017 لە هۆڵی بۆنەكانی بە ئامادەبوونی بەڕێوەبەری كۆمەڵگە مامۆستا (شەپۆل فاخیر محەممەد) و بەڕێوەبەری ئامادەیی مامۆستا (چیمەن حسێن نەبی) و ئەنجومەنی دایك و باوكان، خەڵات بەسەر یەكەم و دووەم و سێیەمی هەر سێ قۆناغی بەشی ئامادەیی لە تاقیكردنەوەكانی وەرزی یەكەم لە خولی یەكەم دابەش كرا.

1,364 کۆی بینینەکان, ئەمڕۆ نەبینراوە

ئەمڕۆ 6/2/2017 لە چوارچێوەی كۆبوونەوەی مانگانەی دەستەی كارگێری و ئەنجومەنی دایك و باوكان، بە ئامادەبوونی بەڕێوەبەری كۆمەڵگە مامۆستا (شەپۆل فاخر محەممەد) و بەڕێوەبەری ئامادەیی مامۆستا (چیمەن حسێن نەبی) و یاریدەدەران لەگەڵ ئەنجومەنی بەشەكە كۆبوونەوە، بۆ گەنگەشە كردنی رۆلی دایك و باوك لە قوتابخانە و ئاگاداربوون لە كێشە و گرفتەكانی قوتابیان و دەستەی كارگێری و دانانی میكانزمێك بۆ زیاتر هەماهەنگی لە نێوان ئەنجومەن و دەستەی كارگێڕی.

1,157 کۆی بینینەکان, ئەمڕۆ نەبینراوە

2/2/2017 لە یاریگای چیمەنی كۆمەڵگە دا لە مەراسیمێكی خنجیڵانە دا بە ئامادەبوونی بەڕێوەبەری كۆمەڵگە مامۆستا (شەپۆل فاخر محەممەد) و بەڕێوەبەری بنەڕەتی مامۆستا (لانە یوسف عبداللە) و تەواوی مامۆستایانی بەشی بنەڕەتی ئەنجامی كۆتای وەرزی یەكەم لە خولی یەكەم بەسەر قوتابیان قۆناغەكانی (1ــ2ــ3ــ4ــ5) دابەش كرا. سەرەتا بەڕێوەبەری بنەڕەتی لە ووتەیەكیدا دوای دەست خۆشی لە تەواوی ستافی بەشەكەی هیوای سەركەوتنی بۆ تەواوی قوتابیان خواست، پیرۆزبای كۆتایی وەرزی یەكەمی بەسەركەوتوی لە قوتابیان كرد. دواتر ئەنجامەكە بەسەر قوتابیە سەركەوتوەكان لە مەراسیمەكە دابەش كرا.
شایەنی باسە ئەو قوتابیانەی كە نمرەیان لەسەر ئاستی پۆلەكەیان نایاب بوو، وەك ئەستێرەی پۆل دەست نیشان كران.

1,275 کۆی بینینەکان, ئەمڕۆ نەبینراوە